Cultur.gal

Mañá comeza en Pontevedra a Feira do Libro e a Industria Cultural, con catro días por diante plenos de actividades para grandes e novos, para amigos do papel e dos “baites”. Nós habemos de pasar por alí mañá pola tarde, a causa desa tan suxestiva xuntanza sobre cultura e difusión electrónica.

O sábado, aínda que nos pese neste caso morar a unha distancia non despreciábel de Pontevedra, tentaremos asistir á presentanción de Rinocerontes e quimeras, de Marcos Calveiro, un autor que nos merece un seguimento exhaustivo unha vez comprobados os seus esforzo e ambiciónrinocerontes.jpg por escribir no gume dos mundos posíbeis, aquel lugar en que a vangarda auténtica e os espíritos aventureiros non deixan de procurar o perdurábel. Resulta que tamén na arte hai quen prefere os deportes de risco ao balneario.

É que cando vento no ar esas estrañas batallas en que a liquidez emotiva e a solidez lingüística se enfrentan para tentar cocer o lector no seu propio lume, no seu propio suco paixonal, non podo evitar acudir. Porque as literarias son as únicas batallas en que realmente todos poden gañar.

“Pan e circo”, dicían os antigos, que eu ben podería substituír nesta ocasión (como en tantas) por “literatura e gasóleo”.

Share

by

Alfredo Ferreiro nasceu na Corunha em 1969. Estudou Filologia Hispânica e iniciou-se na Teoria da literatura. É membro da Asociación de Escritoras e Escritores en Lingua Galega e da Associaçom Galega da Língua. Tem participado desde 90 em inúmeros recitais de poesia e colaborado em revistas galegas e portuguesas, entre elas Anto e Saudade, sob a direção de António José Queiroz. Na atualidade é membro do Grupo Surrealista Galego. Como crítico tem colaborado em publicações periódicas impressas como A Nosa Terra, @narquista (revista dos ateneus libertários galegos), Protexta (suplemento literário de Tempos Novos), Dorna e Grial, para além de em diversos projetos digitais. De 2008 a 2014 dirigiu, junto com Táti Mancebo, a plataforma de blogues Blogaliza. Desde 2006 é asíduo dos meios eletrónicos, em que se dedica à divulgação da literatura e do pensamento crítico. Atualmente colabora no jornais Praza Pública e Sermos Galiza. A inícios de 2014 fundou, junto com Táti Mancebo e Ramiro Torres, a revista digital de artes e letras Palavra comum, dirigida ao âmbito lusófono. Desde outubro de 2015 é coodenador do Certame Manuel Murguía de Narracións Breves de Arteixo.