Recital de Enma, Estíbaliz e Eduardo

enmapedreira.jpgOnte acudimos ao recital de poesía que tivo lugar no Centro On de Caixa Galicia n’ A Coruña (Cantón Pequeno, 9-11). Con Lía Santiso como mestra de cerimonias, a primeira intervención estivo a cargo de Enma Pedreira, quen nos propuxo o faro como símbolo do isolamento do ser e logo trouxo para a mesa un grande abano de revisitacións de personaxes coñecidas: Penélope, Carapuchiña Vermella, O Principiño e Alicia “a marabillada”. Tamén aproveitou a ocasión para declarar que a “denuncia social” é para ela unha motivación de peso no seu traballo creativo.liasantiso_estibalizespinosa.jpg

A continuación foi o turno de Estíbaliz Espinosa, quen prescindiu da mesa e apañou a vertical para actuar co telemando na man. Ofreceunos en primeiro lugar unha composición visual de imaxes e poemas, que recitou para todos. Despois puidemos visualizar e oír o podcast Alcohorama, co que gañou o ano pasado o Iº Concurso de Podcasts Poético-Artísticos do Concello de Tarragona (2006).

eduardoestevez.jpgPara cerrar o acto, Eduardo Estévez apañou a cadeira e sentou en frente do público nunha actitude de proximidade que a moitos agradou. Leu poemas dos seus libros publicados, incluídos algúns do seu coñecido poemario Lúa gris, así como algúns textos de proxectos en curso. Reflectiu sobre o concepto de memoria e sobre aquelas experiencias máis significativas da infancia.

O acto decorreu nun ambiente agradábel e case íntimo, pola comodidade e o pequeno aforo que ofrece a sala disposta para estes eventos. Ao principio e ao final, a benvida e o recordatorio de próximas actividades do Centro por parte do persoal da casa foi en sólido castelán, deixando o delicado evento cultural que presenciamos como facendo unha leve marca na até ese momento virxe area da praia dos grandes negocios. Polo que parece, no Centro On de Caixa Galicia o galego semella estar, por defecto, OFF.

Share

by

Alfredo Ferreiro nasceu na Corunha em 1969. Estudou Filologia Hispânica e iniciou-se na Teoria da literatura. É membro da Asociación de Escritoras e Escritores en Lingua Galega e da Associaçom Galega da Língua. Tem participado desde 90 em inúmeros recitais de poesia e colaborado em revistas galegas e portuguesas, entre elas Anto e Saudade, sob a direção de António José Queiroz. Na atualidade é membro do Grupo Surrealista Galego. Como crítico tem colaborado em publicações periódicas impressas como A Nosa Terra, @narquista (revista dos ateneus libertários galegos), Protexta (suplemento literário de Tempos Novos), Dorna e Grial, para além de em diversos projetos digitais. De 2008 a 2014 dirigiu, junto com Táti Mancebo, a plataforma de blogues Blogaliza. Desde 2006 é asíduo dos meios eletrónicos, em que se dedica à divulgação da literatura e do pensamento crítico. Atualmente colabora no jornais Praza Pública e Sermos Galiza. A inícios de 2014 fundou, junto com Táti Mancebo e Ramiro Torres, a revista digital de artes e letras Palavra comum, dirigida ao âmbito lusófono. Desde outubro de 2015 é coodenador do Certame Manuel Murguía de Narracións Breves de Arteixo.

2 thoughts on “Recital de Enma, Estíbaliz e Eduardo

  1. Canta razón tes. Levo tempo pensando en pasar os meus poemas á rede e creo que me acabas de dar a clave. Ás veces resulta difícil ver o obvio 🙂
    Por certo, encántanme os teus deseños e aproveito para recomendalos a calquera que isto lea.

  2. ictioscopio

    é mágoa que Alcohorama sexa só un audio para un concurso e non un podcast real, isto é, que verdadeiramente faga composicións sonoras máis ou menos regulares, sindicábeis e descargábeis; é máis, non entendo como fóra de María Lado non hai apenas poetas galegos que experimenten con ese medio… se cadra así algúns aprendían a recitar mellor os propios poemas, que é unha eiva bastante xeral.

Comments are closed.