Unha novela escrita por unha modelo?

«Una novela escrita por la modelo Katie Price se convierte en un superventas en el Reino Unido: Una novela escrita con ayuda ajena por la modelo británica Katie Price, también conocida como Jordan, ha vendido más ejemplares que los seis finalistas juntos del Booker, el premio literario más prestigioso del Reino Unido. De Crystal , novela que trata de los esfuerzos de una muchacha por ganar fama como cantante gracias a un concurso de telerrealidad, se llevan vendidos, desde que salió en junio, 159.407 ejemplares. Por el contrario, las ventas de las seis novelas finalistas del Booker suman 120.770 ejemplares, pese a la campaña de publicidad de que han estado rodeadas. Crystal es la segunda novela de Price. De la primera, Angel , vendió 300.000 copias.» (La voz de Galicia)

Dicía eu hai uns días que non era un canibal, e iso era porque entendía o lector actual a ser tratado como un animal de consumo literario, estimulado tan só por emocións primarias elevadas á enésima potencia. Esas obras que son creadas para “ofrecer circo” a domicilio, unha maneira de atordar o povo similar ao cinema “de medo”. Algo equivalente a substituír o deporte verdadeiro, que tanto contribúe á boa conexión de corpo e mente, por unha sesión de “puenting”. Trátase de non suar, e sen esforzo físico subir as pulsacións cen puntos. A felicidade consiste no sentimento posterior a salvarse dunha morte inminente?

Algo similar acontece con estes produtos, froitos da enxenaría literaria máis comercial, auténtica aliaxe entre a psicosocioloxía e o márqueting. […] Ler mais

Share

Alfredo Ferreiro na Sargadelos

O pasado 18 de setembro tivemos a oportunidade de reunírmonos moitos e bos amigos, compañeiros de grandes aventuras, para revivir un chisco de cada unha das nosas vidas a través dos belos e certeiros poemas do Alfredo. Eis unha pequena mostra:

[kml_flashembed movie="http://video.google.com/googleplayer.swf?docid=-5825182495207253076" width="275" height="224" wmode="transparent" /]

Share

I Xornada sobre crítica literaria

Mañá estarei aquí, na I Xornada da Crítica galega, para logo tentar dar noticia do que por alí se dixo, nomeadamente da actual situación do sistema literario. Comezará ás 10:00 horas e será no Consello da Cultura Galega, acarón da grande catedral.
AELG: «A I Xornada da Crítica Galega, unha iniciativa que a Aelg, a través da súa Sección de Crítica, bota a andar este ano coa colaboración do Consello da Cultura Galega co obxectivo de crear un foro de reflexión sobre a crítica literaria, tan importante para a normalización do noso sistema literario. […] Ler mais

Share

“Underwood”, de Pepe Cáccamo

[kml_flashembed movie="http://video.google.com/googleplayer.swf?docid=204175789878703255" width="280" height="228" wmode="transparent" /]

Este venres 14 foi ingaugurada na Sargadelos d’ A Coruña Underwood, a última proposta poético-obxectual de Pepe Cáccamo. Libros, libros e máis libros para unha reflexión sobre a vida que hai nos libros, a que produce os libros e a que os libros suxiren. Libros “abertos”, libros “pechados”, libros manipulados, libros de contido inviolábel, para sempre sepultadop1010241.JPG nunhas capas coladas como lápides. E se todos estes libros constitúen unha exposición devant la lettre, outras pezas nos sitúan nunha exposición avant la lettre: son aquelas que representan máquinas de escribir, ferramentas de escritura martelada dispostas de tal xeito que cobran vida nunha dimensión preliteral, moito antes de que a súa utilidade fose coñecida. Nace o órgao e despois a función resulta inevitábel.

[…] Ler mais

Share

Alfredo Ferreiro recitará na Galería Sargadelos

Por cortesía da Galería Sargadelos e o xesto amábel de Yolanda Castaño terei este martes 18, ás 20:00 horas, a oportunidade de presentar unha mostra do meu traballo poético pasado e presente. Será na Rúa Real, nº 56.

Revisión 19/09/07: reseña de La Opinión.

Revisión 22/09/07: reseña de Galicia-Hoxe.

Share

Marcos Calveiro gaña o XVIII Premio Ala Delta de Literatura Infantil

rinocerontes.jpgA semana pasada a novela O Carteiro de Karrada de Marcos Calveiro gañou o XVIII Premio Ala Delta de Literatura Infantil , un premio para obras en galego, éuscaro, catalán e castelán.

O autor que tanto celebramos coa publicación de Rinocerontes e quimeras, despois da escrita meiga de Sari, soñador de mares, faise merecedor dun premio prestixioso como poucos. Teña os nosos parabéns o autor, mentres nós ficamos coa satisfacción que nos produce ver recoñecidos o esforzo e o talento.

Share

Unha perspectiva necesaria

embigo.jpgParéceme que dá no albo Miguel Anxo Fernán Vello no seu artigo do Galicia-Hoxe: “Sobre o falsamente universal“. Unha perspectiva necesaria que nos indica por onde comezar á hora da creación literaria. Mais hai quen cre que falar do seu embigo é suficiente para facer literatura, e na realidade algo máis é preciso: coñecer moitos máis nós estomacais que o propio e saber como falar deles de modo que o motivo inicial se trascenda e atinxa sentidos máis profundos que as peculiares enrugas que só serven xa para dar que falar nun blogue calquera do Blogomillo.

Share

Eu non son un canibal!

Prisión para o escritor que cometeu asasinato e levou o seu crime a unha novela: prescindamos por un momento do argumento desa novela. Sexamos capaces de esquecer o tema sanguinario que se nos presenta, e pensemos por un momento que pode ser substituído na nosa cabeza por un argumento de novela rosa, de fábula ou de familia azucarada e feliz que no final atopa o canciño perdido. O caso é que a novela usa un argumento copiado da realidade, transcrito de tal modo en palabras que sobresae fundamentalmente polo seu realismo debido á profusión de detalles nos motivos máis inesperados. É iso o que o lector valora, —e agora voltemos ao tema da noticia— xunto coas historias escabrosas, é claro.

[…] Ler mais

Share

“Unha obra que reflicte todo o que se sabe de Galicia”

Oráculo de DelfosTeño hoxe nas mans un exemplar d’ A gran Historia de Galicia, obra que este domingo comezará a divulgar o xornal herculino despois de o ter anunciado durante semanas “a voz en grito”. Parece unha vasta obra, rica en referencias e con pretensións de modernidade. Haberá quen diga, porque xa é unha reiteración similar á da hora do Angelus, que é unha obra necesaaaaaria. É capaz de o ser. Mais a min vénme á memoria o minúsculo debate que aquí iniciei hai uns días e síntome un bocadiño burlado: teño para min que o feito de que na altura se criticase a novela histórica era unicamente para producir un pouco de algarada no ambiente intelectual, e nada serio que se quixese argüír sobre a novela. Nada interesaba falar sobre a novela. Non sei se a estratexia foi do historiador ou do xornalista, pois co que sae nos medios nunca nada disto se sabe con facilidade, ficando todo sepultado pola falta de vontade de asumir responsabilidades. Afinal venden o mesmo. Por iso prometo non entrar a partir de agora en polémicas deste teor con tanta facilidade.

[…] Ler mais

Share

Novo número de Protexta, suplemento da TN

Protexta 03O número de agosto da Protexta, o terceiro deste suplemento da revista Tempos Novos, demorouse un bocadiño este verán e no interim abandonou a coordinación Xavier Cid. Mudanzas a causa das tentativas non atoparen consolidación nas primeiras fórmulas dos proxectos, probabelmente porque moitos deles implican a moita xente con compromisos ás veces vagos. Non é de estrañar que isto aconteza entre a xente creativa, porque contra unha actitude pesimista moi común de non acreditar nas propias forzas ou desconfiar dos intereses alleos (tantas veces considerados ilícitos), outros aplicamos aos poucos recursos a máxima ambición no que a calidade di respecto. Na realidade non coñezo os motivos destas mudanzas no suplemento, mais en todo o caso entendo que no noso contexto cultural unha iniciativa como a Protexta é louvábel por todos os que amamos os libros en xeral e a literatura galega en particular. Que quede clara a miña postura: ser louvábel como proxecto non significa que llo debamos a un ente abstracto e inmaterial, senón que debemos recoñecerlle o mérito a todos aqueles que desde o inicio o alimentaron co seu esforzo como tamén aos que agora continúan a acreditar nel. Os meus parabéns a todos e todas os que contribuíron a que fose unha realidade. […] Ler mais

Share