XV Premio de Poesía Espiral Maior

[kml_flashembed movie="http://video.google.com/googleplayer.swf?docId=5827287920887028110&hl=es" width="320" height="240"/]

O xoves pasado tivo lugar a presentación de Profundidade de campo, de Yolanda Castaño, XV Premio de Poesía Espiral Maior. Cunha sala repleta de público, na presentación o escritor e director de Ámbito Cultural de El Corte Inglés Ramón Pernas celebrou os méritos de Yolanda e anunciou unha nova inxección económica no galardón, que atinxirá o ano próximo os 15.ooo euros, como mostra irrefutábel do compromiso da entidade que representa co xénero poético na nosa comunidade.
Miguel Anxo Fernán Vello, como editor principal da escritora e membro do xuri, tamén manifestou a súa alegría polo destino do premio deste ano. Ao tempo, quixo resaltar que esta circunstancia na vida literaria de Yolanda era o contexto adecuado para recoñecerlle o camiño percorrido e os esforzos realizados ao longo de xa 12 anos na creación poética, considerando neste sentido que unha evidente fase de madurez artística brilla neste poemario.
Xosé María Álvarez Cáccamo, como membro do xuri e perspicaz crítico literario, non obviou matices nunha profusa análise da obra premiada, relacionando os poemas presentados tanto con libros anteriores canto coas tendencias da poesía galega dos últimos anos, a quen a autora, segundo a opinión do analista, inflúe nalgúns casos.
O acto convocou moito público, incluídas abondosas persoas ben coñecidas do sistema literario, e ante todos Yolanda Castaño mostrou o seu agradecemento aos responsábeis da organización do premio e a súa satisfacción persoal como creadora de tal modo recoñecida. Novas versións sobre os poemas, produtos “híbridos” como ela dixo, han de agora nacer para nutrir unha divulgación do poemario que sen dúbida ampliará exponencialmente esta multifocal profundidade de campo.

A. F.

Share

by

Alfredo Ferreiro nasceu na Corunha em 1969. Estudou Filologia Hispânica e iniciou-se na Teoria da literatura. É membro da Asociación de Escritoras e Escritores en Lingua Galega e da Associaçom Galega da Língua. Tem participado desde 90 em inúmeros recitais de poesia e colaborado em revistas galegas e portuguesas, entre elas Anto e Saudade, sob a direção de António José Queiroz. Na atualidade é membro do Grupo Surrealista Galego. Como crítico tem colaborado em publicações periódicas impressas como A Nosa Terra, @narquista (revista dos ateneus libertários galegos), Protexta (suplemento literário de Tempos Novos), Dorna e Grial, para além de em diversos projetos digitais. De 2008 a 2014 dirigiu, junto com Táti Mancebo, a plataforma de blogues Blogaliza. Desde 2006 é asíduo dos meios eletrónicos, em que se dedica à divulgação da literatura e do pensamento crítico. Atualmente colabora no jornais Praza Pública e Sermos Galiza. A inícios de 2014 fundou, junto com Táti Mancebo e Ramiro Torres, a revista digital de artes e letras Palavra comum, dirigida ao âmbito lusófono. Desde outubro de 2015 é coodenador do Certame Manuel Murguía de Narracións Breves de Arteixo.