Por fin A Coruña soa como nos nosos soños!

Despois de moitas vicisitudes e dous anos de traballo, aquela creatividade que naceu nas nosas mans de axentes culturais principiantes está a dar o froito desexado. O proxecto naceu na nosa casa, sen máis fundamento que a inspiración e a confianza en que as cousas ben feitas atopan o seu momento necesariamente. Isto, claro, xunto cun coñecemento da discografía do Gran Can que o erixía no portador do talento que precisabamos para xuntar os ingredientes de arte integral, intelecto, versatilidade e un espírito que entende o popular como cerne da cultura mellor acabada. A rúa e o conservatorio de música construídos coa mesma pedra.

Dez cancións de autor/a foron seleccionadas para traballalas con Santiago Auserón no Palexco da Coruña durante a última semana de marzo. Haberá disco e xira e, se quixese falar de máis, outras hipóteses contaría que xa transcenden no tempo e no espazo os meus soños culturais máis ambiciosos.

Este martes día 11 de marzo entrará ao vivo o Santiago no programa “Aberto por reformas” de Xurxo Souto, (16:00, Radio Galega) e alí poderedes comprobar até que punto o mestre Auserón está comprometido co proxecto e maravillado coa calidade e variedade das propostas recibidas na web de A Coruña Son.

Non podo falar máis: sei demasiado e é moita a emoción. Podedes acreditar.

A. F.

Para quen non a coñeza podemos recomendar a suculenta entrevista que Santiago Auserón nos concedeu no ano pasado en Compostela. E, aínda, para quen queira escoitar unha pequena mostra do que foi aquel concerto do ciclo Sons da diversidade, este outro vídeo realizado desde primeira liña.

Share

by

Alfredo Ferreiro nasceu na Corunha em 1969. Estudou Filologia Hispânica e iniciou-se na Teoria da literatura. É membro da Asociación de Escritoras e Escritores en Lingua Galega e da Associaçom Galega da Língua. Tem participado desde 90 em inúmeros recitais de poesia e colaborado em revistas galegas e portuguesas, entre elas Anto e Saudade, sob a direção de António José Queiroz. Na atualidade é membro do Grupo Surrealista Galego. Como crítico tem colaborado em publicações periódicas impressas como A Nosa Terra, @narquista (revista dos ateneus libertários galegos), Protexta (suplemento literário de Tempos Novos), Dorna e Grial, para além de em diversos projetos digitais. De 2008 a 2014 dirigiu, junto com Táti Mancebo, a plataforma de blogues Blogaliza. Desde 2006 é asíduo dos meios eletrónicos, em que se dedica à divulgação da literatura e do pensamento crítico. Atualmente colabora no jornais Praza Pública e Sermos Galiza. A inícios de 2014 fundou, junto com Táti Mancebo e Ramiro Torres, a revista digital de artes e letras Palavra comum, dirigida ao âmbito lusófono. Desde outubro de 2015 é coodenador do Certame Manuel Murguía de Narracións Breves de Arteixo.