Grupo Surrealista Galego no Cárcere da Coruña

Dentro das Xornadas que organiza a Plataforma Proxecto Cárcere da Coruña, este venres será a presentación mundial do Grupo Surrealista Galego, un colectivo en que nos permitimos ser tan anacrónicos como vangardistas, na mellor ignorancia do demodé e co orgullo manifesto de quen se cre humilde como poucos, atrevido como menos e, en definitiva, falto completamente do sentido do ridículo que alguén que prentenda ridiculizarnos debería experimentar. Todo un evento asumíbel polos petos máis furados mais por moi poucos cerebros, salvo aqueles en que o corazón souber prover da luz da que a razón carece. Atrévanse e desfrutarán dunha experiencia que nunca poderán deixar de esquecer.

Share

Premios Xerais 2011: este sábado ao vivo desde Blogaliza.tv

[kml_flashembed movie="http://www.youtube.com/v/_ZUVrAWn-KA" width="425" height="350" wmode="transparent" /]

Este fin de semana estaremos de novo na grande festa literaria da Illa de San Simón: os Premios Xerais. Descubriremos os gañadores do ano con nas tres modalidades de lectores principais: infantís, xuvenís e adultos. Unha reunión que implica a alegría dos galardóns e uns trescentos convidados entre os máis comprometidos co sistema literario galego que acoden por mar para desfrutar dos mellores frutos literarios da Terra. Un ambiente engoilante como poucos para os amantes da literatura que todos poderedes seguir ao vivo através do blogue de Xerais e de blogaliza.tv e en diferido nos días seguintes mediante os vídeos específicos que iremos ofrecendo desde a rede.

Share

A NOVELA morreu. Viva a NOVELA!

«Desde hoxe e até pasado mañá pode seguirse en directo FOCUS 2011 O libro mañá: o futuro da palabra escrita. Sorprende en principio que só sexamos 15 os espectadores ás 11:20 da mañá pero claro, se non podes participar, xa non digo enviar preguntas que reciban respostas, senón gozar dunha canle de comunicación entre os interesados, o streaming non ten tanta graza e resulta máis simple agardar a que remate e recibir as opinións das testemuñas directas que recollan o que lles pareceu máis interesante ou as conclusións que lles suscitou o encontro a través de hashtags e blogues.

Moitos queixámonos de que non recibimos información suficiente dos medios, arrepiante o caso das últimas protestas gregas, queixámonos de que os medios non fan o seu traballo, queixámonos de que os conferenciantes nos foros internacionais non elaboran análises cientificistas sobre os distintos aspectos da evolución cultural, senón que simplemente xustifican ou condenan situacións en función do lobby que representan.

E só somos 16 agora os que estamos a seguir o debate na UNESCO sobre o futuro da palabra escrita? Pois o futuro está claro entón, e coincide co que eu penso, que o cambio dunha “lectura profunda” a unha lectura fragmentaria” do que tanto se fala non é tal, que o que está a pasar é que estamos a deixar de ler. Si, lemos moito máis que hai anos os que pasamos moitas horas diante dun ordenador mais, ou moito me equivoco, ou a lectura lineal, letra tras letra, está en franca decadencia, aínda que a maioría da xente non o perciba: un mercado insustentábel, novas narrativas que queren deixar de ser simples experimentos, confluencia de dispositivos, xéneros, formatos. A nova literatura son as moitas vidas, os moitos personaxes que cada individuo vai vivir dun modo cada vez máis realista. Pero alguén pensou algunha vez que a novela escrita con caracteres, era un xénero perfecto, que atopou o canon hai uns cantos séculos e que, suxeita a actualizacións temáticas e formais, era realmente un formato eterno? Que era a mellor representación inmaterial dunha historia? Non haberá ninguén tan iluso, non? Porque o que está a vir e veña, seguirá a ser novela sempre que sigamos a chamala así.

Uau! 24 espectadores ás 11:45 AM!» [Vía Tati Mancebo]

Share

”Adeus, industria editorial”

Excusas from Revista Orsai on Vimeo.

TrailerBook Altuna en Orsai from Revista Orsai on Vimeo.

«—Todas las editoriales mienten —me dijo Horacio Altuna, uno de los bestsellers mundiales del comic—; las más honestas te roban el veinte por ciento, y de ahí para arriba. Te atan a cinco años de permanencia, te quitan los derechos de tu obra, nunca te ofrecen sistemas de verificación de ventas. Lo tienen todo controlado para engañarte.

Lo visité en su casa de Sitges cuando preparábamos el primer número de Orsai. Fui, con timidez, a pedirle consejo sobre ilustradores y, si había suerte, convencerlo para que quisiera colaborar en el número dos. Horacio es, además de talentoso, muy exclusivo. Dibuja en Playboy, edita en Estados Unidos, en Francia; no trabaja en cualquier lado. Pero entonces ocurrió algo que no estaba en los planes. Ese mismo día había aparecido una reseña en el diario Público sobre nuestra futura revista y Horacio había sentido curiosidad por mi renuncia pública a Random House Mondadori y los periódicos donde trabajaba. Estaba muy interesado en el sistema “nadie en el medio”, porque en la estructura tradicional del negocio se sentía asfixiado. […]» [Vía Revista Orsai]

Share

A colección Letras de Cal de balde en PDF

«A colección Letras de Cal acolleu, entre 1997 e 2001, os versos de moitos autores que hoxe están xa plenamente recoñecidos no sistema literario galego. María Lado, Igor Lugrís, Sechu Sende, Carlos Negro ou Olga Novo son só algúns dos autores que publicaron no marco deste proxecto. Agora, os catorce volumes que se publicaron dentro da colección, incluíndo a antoloxía dEfecto 2000 e outra con traducións de poesía vasca, están dispoñibles integramente na rede en formato pdf da man de Poesiagalega.org.» [Vía culturagalega.org]

Share

Galegobook: libros electrónicos sobre a lingua galega

«O Galegobook é un proxecto sen ánimo de lucro que pretende ser un espazo onde publicar, compartir e conversar sobre un grande número de libros electrónicos que circulan pola rede sobre o galego (lingua, gramática, fonética, sociolingüística, manuais, terminoloxía…).

Para facilitar a procura de material, no Galegobook acharás un grande número de manuais clasificados segundo a autoría e a materia que trata. Ademais, ao final de cada entrada, as persoas usuarias poderán engadir os seus comentarios para o compartiren co resto de lectores.

Ao mesmo tempo, tentaremos publicar os artigos máis salientábeis que, sobre o galego, aparezan na prensa tradicional e nos novos medios.

Na actualidade, este blogue está en fase de construción, polo que é posíbel que non atopes o que andas a procurar. Con todo, se desexas publicar ou informar acerca dun material, podes contactar comigo.

Agardo que esta páxina poida servirche de algo.» [Vía galegobook: Que é o Galegobook?]

Share

María Xosé Queizán: “Volvo a estar censurada”

María Xosé Queizán, escritora e activista para a que con toda xustiza se reclama un amplo recoñecemento local e nacional, para alén do institucional, dixo estas palabras perante a nosa cámara en 2009 durante unha entrevista de 1 hora e 17 minutos por encomenda da Asociación de Escritores en Lingua Galega. Como temo que esta ampla e substanciosa entrevista, en que só importaba deixar espazo para as súas palabras, puido non ser debidamente coñecida decídome a publicitala de novo desde aquí. Para min foi un luxo escoitar na súa propia casa como naceu a súa vocación de escritora, como comezou a súa actividade literaria, en que ambiente e con que estilos e temas traballaban os autores e autoras daquela época e en xeral a descrición e fundamento da súa obra publicada até o 2009. Tamén me resultou especialmente impactante a súa xustificación dos xéneros literarios, o coñecemento da censura que padece por parte dos medios de comunicación, así como a descrición pormenorizada do seu persoal proceso de creación e a súa necesidade de actuar coa ansia sincera de mellorar o mundo. En fin, sobre a importancia do esforzo persoal e a crenza na utopía que hoxe máis do que nunca precisamos protexer.

Share