Revelación 2

“El recuerdo que deja un libro es más importante que el libro mismo” (Gustavo Adolfo Bécquer). Mais esa importancia revélase grazas á existencia do libro.

Share

Revelación 1

É máis fácil Murguía ter sido fundador do Real Club Deportivo
do que Lendoiro ter sido fundador da Real Academia Galega.

Share

Galiza, o auténtico enigma histórico

Mapa político do Noroeste da Península Ibérica no ano 891, durante o reinado de Afonso III.«A Historia da Galiza medieval é a historia dun roubo. E non me refiro ao recente latrocinio do Códice Calixtino, do cal celebro conservarmos todos os seus contidos en facsímiles e edicións eruditas, algo moito máis relevante que o antigo coiro que os contén. Refírome ao roubo que supón escribir a Historia de tal modo que un reino multisecular fique sepultado por toneladas de estudos académicos máis comprometidos coa erección dunha nación aveseira do que coa verdade histórica máis elemental.

Un reino roubado ao seu pobo e unha nación ocultada polos programas escolares obrigatorios do Estado se non nos preocupamos por revelar a grandeza histórica do noso país. A grandeza que algúns dos nosos paisanos quixeron e queren desprezar. Mais caian os viles nas súas vilezas, ignorantes para quen desexo que o seu miserábel deus os provea da luz que lles nega e que así coñezan que lonxe camiñan da felicidade natural de amar o propio.

Claudio Sánchez Albornoz considerou España “un enigma histórico” e uniu o autenticamente “español” á prominencia de Castela por sobre todas as outras realidades político-económicas do medievo. E con este absurdo ocultou que o auténtico enigma é a Historia medieval da Galiza. Moitas son, con efecto, as cuestións que están a ser revisadas […]» {Ler todo o artigo en Galiza, o auténtico enigma histórico – Praza Pública}

Share

Premio Dora Vázquez 2012: María Reimóndez

Estivemos en Arteixo e gravamos a intervención de María, na que con toda a dignidade denunciou as inaceptábeis últimas palabras de Gallardón sobre o aborto, diante do goberno do Partido Popular.

Share

A nosa nena no día da muller

«Estabamos almorzando e non foi propositado senón in media res, como tantas veces.
-Eu sei que no mundo hai máis mulleres que homes.
-Si, que é certo. Poucas máis pero é verdade, pelacha.
-E sabes como o souben?
-Mmm, dixéroncho no cole?
-Non, pero vexo que no parque sempre hai moitas máis mulleres que homes.
-Tamén é certo pero é por dúas razóns: hai máis homes que mulleres que traballan fóra da casa, e ademais, normalmente aos papás gústalles menos ir ao parque que ás mamás.
-Ah.
-Hoxe é o Día da muller.
-Ah, si? Pero quen o decidiu?
-Creo que os gobernos de moitos países. (agora sei que foi a ONU)
-E cando é o Día do home?
-Que eu saiba non o hai.
-Por que?
-Porque o Día da muller serve para lembrar que hai moitísimas mulleres que viven en situacións peores que as dos homes, con menos dereitos, gañando moito menos polos mesmos traballos…
-Pois iso non pode ser! Temos que estar mellor que os homes! MOITO MELLOR!
-Non, muller, o bo é que todas as persoas teñamos os mesmos dereitos de verdade, pero para iso aínda falta moito.» {Tati Mancebo}

Share