Estudos sobre temas antigos, poemas de Henrique Marques-Samyn

Estudos sobre temas antigos, poemas de Henrique Marques-Samyn

Estudos sobre temas antigos, poemas de Henrique Marques-Samyn

«Estudos sobre temas antigos», de Henrique Marques-Samyn

Com imensa alegria apanho na caixa dos correios o último livro do amigo Henrique Marques-Samyn, alguém que na distância transoceânica partilha as grandes certezas que só a poesia revela, certezas tanto mais grandes quanto mais prenhadas dos paradoxos misteriosos da vida. Leremos seu livro com vagar, no firme desejo apreender aquilo que o Henrique generosamente dispara ao alvo do que mais importa. Nossa gratidão vaia por diante, agora e sempre.

«O poeta Henrique Marques-Samyn, ao celebrar seu passado sob a espécie de confissão, e ao exprimir o orgulho de compartilhar as glórias de sua comunidade, constrói uma espécie de culto orgiástico, quando não meramente apologético, sempre a mirar a possível imago mundi. Para tanto, deverá cultivar a ortometria, maneira elegante de transmitir, mediante as palavras, a riqueza interior. Como se sabe, a poesia cuida especialmente do geral, enquanto a crônica, que lida com o tempo, concentra-se no particular, partícula da História. O poeta se entrega à fulguração da palavra e também à ritualização do espetáculo sobrenatural. Henrique Marques-Samyn ousa apresentar ao leitor contemporâneo, vítima da cultura massificada pela indústria e pelos apelos da urgência, uma coletânea de Estudos sobre temas antigos. E o faz conscientemente, sob o competente registro do poético. Prefácio de Fábio Lucas e apresentação de Ivan Junqueira. »

Share

O desafio cultural do presente

1916-1950. Xeración Nós: o raio transparente

1916-1950. Xeración Nós: o raio transparente

A Geração Nós assumiu como própria a tarefa de demonstrar que a cultura galega existia no conjunto do património mundial, e para isso foi entre os próprios galegos que houvo de fazer seu principal lavor de divulgação, pois ao povo não só lhe fora ocultado o seu tesouro nacional senão que permanecia empecido para perceber sua maravilhosa singularidade a causa da ação colonizadora que Espanha desenvolve na sua construção nacional.

Mercê a este esforço nos âmbitos académico, editorial, historiográfico, artístico, arqueológico, industrial, etc, encetado mormente pola Geração Nós, é que foi possível na Transição Espanhola a criação de diversas instituições culturais e políticas que agem com certa normalidade desde hai dúzias de anos, e que dotam a nossa realidade sociocultural de um quadro referencial imprescindível: associações culturais e profissionais, ensino em galego, instituições culturais específicas, rádio e televisão em galego, etc.

Mas a situação hoje está a mudar. As políticas culturais oficiais tentam abertamente assolagar a renascença cultural da Transição democrática mediante a estratégia de eludir os apoios ao mundo cultural sob o pretexto da falência de orçamentos gerais básicos. Neste contexto, com um povo ainda pouco consciente da necessidade de alimentar um quadro referencial próprio e com uma capacidade adquisitiva constantemente à míngua, os produtos culturais galegos têm no mercado interno uma demanda decrescente.

É por isto que a projeção internacional (Espanha, América, Europa, África…) se torna no presente uma estratégia que pode fazer a cultura galega sobreviver. Read More

Share

Visita á Terra de Melide

boletinestudosmelidenses26_250Era mediodía e todos tiñamos combinado na Praza do Convento. Aínda que o día era fresco un ceo sen nubes presaxiaba unha mañá idónea para desfrutar da visita. Estacionamos os coches a carón do punto de encontro, no centro urbano e mesmo á beira do Museo, o que semellaba xa unha agradábel benvida por parte da vila. Xuntos todos e comandados por Xulio Álvarez, quen tiña organizado a excursión este día, dirixímonos ao Museo da Terra de Melide.foto1_900

O Museo, segundo nos conta o seu director Xosé Manuel Broz, foi un antigo hospital de peregrinos fundado no século XIV e mellorado máis tarde pola casa de Ulloa. Unha vez traspasada a súa porta, cuxa entrada con forma de arco puido ter pertencido ao derruído castelo de Melide, o seu interior deseguida se revela fascinante. O contido do Museo ofrece diversos capiteis medievais, sartegos, fotografías, pinturas e outras pezas de grande valor que demostran un inxente esforzo de recollida, coidado e catalogación de obras. Seguen outros materiais de reducido tamaño que chamaron especialmente a nosa atención: a grande colección de pezas da época castrexa. Multitude de pedras aburatadas e penduradas dunha cordiña das que aínda se descoñece a súa verdadeira utilidade, así como misteriosas “rodelas”, pezas arredondadas, furadas e con deseños labrados que ninguén sabe para que servían nunha época en que había probabelmente moitos máis avances técnicos e vitais do que moitos sospeitan. Unha longa lista de muíños, armas e moedas completan a ampla mostra pre e pos-romana que nos indican amplamente onde pode chegar unha preocupación sincera por coidar o patrimonio e dignificar o noso pasado, algo imprescindíbel á hora de xuntar forzas para enfrontar o presente e construírmos un futuro que mereza a pena. Read More

Share

‘A distancia do tambor’, de Eva Veiga, presentado nas Portas Ártabras

A_DISTANCIA_DO_TAMBOR_250Coas butacas ocupadas e aínda xente de pé, nas Portas Ártabras tivo lugar a presentación do libro de Eva Veiga A distancia do tambor, XIII Premio Fiz Vergara Vilariño máis unha vez editado por Edicións Espiral Maior. O editor Miguel Anxo Fernán Vello iniciou a presentación da obra cunhas acertadas notas sobre a substancia da obra e a profesora Teresa Seara puxo o ramo cun discurso caracterizado por unha florida comparación con abondosas plumas universais. O acto foi amenizado cunha actuación do Grupo Ouriol en que a mestría dos músicos e o talento para o recitado de Eva ficaron máis unha vez patentes.

A poesía, o recitado e as intervencións sobre a obra foron simplemente estraordinarios. Mais o viño do Berzo e as cereixas do Antigo Reino non foron menos! Ás veces penso, ao invés doutros ditos máis sanguinarios, que a letra pola gorxa entra.

28

ALGUÉN viu o terror nesas follas verdes

como un brillo ciliado no estómago de pedra?

Pedra licuada coa voz máis azul do veleno.

Anémona viva.

Os teus dedos aflixido cristal contan os buracos,

a madrugada é un tanque destrozando a luz,

escóndeme de min cabeleira de sombra,

dalle ás crianzas o gran río

como unha coroa de valses.

Quen é reloxeiro neste deserto da lingua,

quen escribe noite co imán do desamor,

quen esmaga o carambelo dun breve laio?

O baleiro asedia

océanos dunha carencia antiga

que volve remando.

 O sangue é un tacto branco que foxe da loucura.

Durmir como a madeira de volta á praia.

Share