Apresentação do novo livro de Pedro Casteleiro, 26 de janeiro

Share

Renascer

Às vezes, ficar quieto e adentrar-se no íntimo é a maior viagem. Uma lua velha é mochila suficiente. A vontade de ver o magma mais íntimo, alimento que basta.

{Cf. Fotografia do sol-pôr em “Destino”}

Share

Destino

Praia de Arteixo por Alfredo Ferreiro 2014

Quando as árvores não deixam ver o bosque é preciso sairmos a campos dilatados ou a vastos areais para olharmos o horizonte que nos dá a medida do universo e a parte que nos toca na liquefação do céu e na evaporação da água do oceano. As pingas são uma boa medida para o pensamento, essa atividade errática sobre a matéria percebida. Porque o pensamento, ainda o mais ordenado, é uma errância manifesta sobre uma objetividade governada pelo acaso ou por referências ligadas inconscientemente. Caminhamos em aparência sem rumo e os caminhos revelam aquilo que mais pesa, aquilo que mais dói e aquilo que se deseja. Conforme avançamos, o que achamos converte-se em indício dum destino surpreendente e esquivo.

{Palavra Comum}

Share

A Santiago vou…

"A Santiago vou..." é uma fotografia de Alfredo Ferreiro.

Share

27º Certame de Narracións Breves Manuel Murguía

Por terceiro ano entraremos de cheo na coordinación do Certame de Narracións Breves Manuel Murguía de Arteixo, que en 2018 atinxirá a 27ª edición:

Os relatos [entre 15 e 30 páxinas] deben ser orixinais e inéditos (non publicitados en ningún soporte, físico ou dixital) escritos en lingua galega, enviados baixo plica antes do 15 de febreiro próximo e cumprindo todas as condicións estipuladas nas Bases (PDF).

Os premios: O primeiro dotado con 4.000,00 €, o segundo con 500,00 € e o terceiro con 300,00 €, todos eles sometidos á correspondente retención.

Información: Para dúbidas pódese chamar ao 981 659 100 do Centro Cívico Cultural ou escribir a cultura@arteixo.org“.

*

Advertência: Lembrai, autor@s em galego de todo o mundo, que este prémio advoga pela tolerância gráfica desde a sua fundação há mais de 25 anos, o que garante a liberdade criativa e a ausência de critérios político-linguísticos na valorização das obras apresentadas. Esta atitude socialmente inclusiva do ponto de vista linguístico é algo que nos orgulha especialmente e gostávamos fosse um exemplo a seguir por todos os prémios literários do país.

Alfredo Ferreiro
Coordenador do Certame

Share

Tertulia con Daniel Asorey no Clube de Leitura de Arteixo

Os encontros periódicos cos clubes de lectura son para min das experiencias máis gratas. Dedicar tempo de cualidade á reflexión sobre a arte da escrita con persoas amantes da lectura é algo fascinante. Debe ser que quen ama a literatura é necesariamente unha persoa solidaria, cordial e positiva, pois que outra cousa pode ser quen acepta o pacto literario implícito que se dá entre escritora e leitora? Un pacto que ten a ver coa necesidade de escribir xenerosamente para outros sobre o que é común a todos, co desexo de escoitar a alguén o que ten que dicir sobre o que a todas pertence, coa aceptación alegre da opinión allea así como da vontade implícita de avanzar na interpretación do mundo e portanto na mellora da vida. Diredes que a literatura non pode chegar tan lonxe como para mudar o substancial da vida, mais concordaredes ao menos en que sensibilizar os corazóns e facer reflexionar as mentes acostuma a ser o camiño para a mellora individual e social.

No martes pasado contamos na reunión periódica do Clube de Leitura de Arteixo coa presenza de Daniel Asorey, autor da última obra lida, Nordeste, publicada por Editorial Galaxia a teor do Premio Repsol de 2016. A obra gustou moito aos membros do clube, máis dunha ducia de atentas e sensibles lectoras que levan encontrándose para comentar obras máis de quince anos. Valorouse o coidado da lingua, na que algunha atopou a cumprida homenaxe a palabras galegas que coñecía desde hai moito mais que era consciente de ter deixado de usar; valoraron tamén a preeminencia da perspectiva feminina, así como a grande sensibilidade ao tratar asuntos humanos en situacións extremas; a imaxinación do autor para imaxinar un futuro de Galiza que foi por outros camiños dos coñecidos nunha distopía que desborda enxeño e atrevemento…

Celebramos con el a próxima publicación da edición brasileira no selo Mar Maior de Editorial Galaxia, dedicado á exportación da literatura galega no mercado internacional, e aplaudimos a boa recepción que está a ter a obra xa no ámbito académico do Brasil. Pola súa parte, el agradeceu a consideración que sempre lle dedica Arteixo, non sen lembrar que foi vencedor feliz do Certame Manuel Murguía na súa 11ª edición, evento sobre que garda como un tesouro na súa memoria de escritor.

Para non perder son as respostas que o autor me dedicou nunha entrevista realizada para o arquivo sonoro da Biblioteca Henrique Rabuñal de Arteixo, e que reproduzo abaixo.

*

Cf. : «O martes día 9 de xaneiro, produciuse un “Encontro con Escritor” do Club de Lectura da Biblioteca Central “Henrique Rabuñal”. Desta volta, foi Daniel Asorey quen asistiu á reunión semanal do club para falar do libro “Nordeste” coas participantes desta actividade que se desenrola todos os martes baixo a supervisión e apoio da Rede Municipal de Bibliotecas, dependente da Concellería de Cultura que encabeza Ana Bello […]». {Ler mais no blogue das Bibliotecas de Arteixo}

Share

Clube de Leitura de Carral

En 2018 recomezamos as reflexións arredor da literatura coas amigas, algunhas novas e outras antigas, na biblioteca do Concello de Carral. Se establecer novas relacións coa Vila dos Mártires foi un pracer para min ao voltar onde me criei, facelo debido a actividades vencelladas á literatura constitúe xa un auténtico privilexio.

Non tiveran nunca un Clube de Leitura, mais polo que se ve a vontade de telo era tanta que vai desde o primeiro día sobre rodas. Ou se cadra é porque a xente que gusta da literatura é humanamente sensible e naturalmente cordial e solidaria.

Por outro lado, este afán por reverenciar as letras non é novo no Concello, pois defenden un dos máis antigos premios de poesía do país, que mañá mesmo presentará as bases da 21ª edición.

Share

2018, dominado

Começou o ano e trouxe um presente para este blogue iniciado em 2016, o vaidoso domínio alfredoferreiro.com. E lembrando textos deixados à deriva na rede, ofereço hoje um poema que tinha esquecido num velho blogue coletivo intitulado A fábriga da preguiça:

Canção para o início do ano

Para tod@s vós

Empregamos as artes do amor
na criação desta casa,
bem longe de aqui.

Dentro, fluem artérias de outras vidas,
sem memória de passos vencidos
e na necessidade de abrir-nos pelo meio:
tão alto é o preço da viagem.

Mas permanecemos ainda no desconhecido.
É preciso chegar a luz até o fim dos dedos
para mudar a nossa estação em morada,
e começarmos, neste espelho, a acordar.

3.1.2006

Share

Tiago Alves Costa, escritor

Tiago Alves Costa por Alfredo Ferreiro 2017 1200px

Tiago Alves Costa por Alfredo Ferreiro. Famalicão, 2017.

Share

Conteúdos digitais

Fotografia Conteúdos digitais por Alfredo Ferreiro. Bruxelas, 2015.

Conteúdos digitais, por Alfredo Ferreiro. Bruxelas, 2015.

Share