Agustín, sinto que pertenzo a un pobo grazas a persoas coma ti

«Fernández Paz rexeita o Premio da Cultura Galega. O escritor, nun comunicado, declina aceptar o galardón e explica que os seus motivos están no manifesto que Prolingua publicou o 8 de outubro

Vía Somos un pobo grazas a persoas coma ti!.

«Agustín Fernández Paz non quere facer entrevistas “nin entrar en polémicas de ningún tipo”. O único que quere é que “isto pase canto antes” e co canto antes refírese á revolta que armou o martes pasado cando rexeitou o Premio da Cultura Galega, nunha acción de protesta pola política lingüística desenvolvida na Xunta polo goberno de Alberto Núñez Feijóo.»

Vía Agustín Fernández Paz: “Non buscaba este papel” | Galicia Hoxe.

«A Asociación de Escritores en Lingua Galega, coñecido o fallo dos Premios da Cultura Galega 2010, outorgados pola Consellería de Cultura, traslada os seus parabéns ao noso socio Agustín Fernández Paz, premiado nesta convocatoria por vontade do xurado participante, ao tempo que quere facer público o seu inequívoco apoio á decisión tomada polo noso Socio de Honra de non aceptar este premio.»

Vía Comunicado da AELG ante a renuncia de Agustín Fernández Paz a aceptar o Premio da Cultura 2010 | ::Axenda cultural AELG::.

Share

Navegando á deriva na nova política cultural?

Navio no gelo a derivaDesde a plataforma Queremos cultura reivindicamos (no Facebook e no Blogomillo) a necesidade de non claudicar ante a nova política anticultural do Goberno do PP. A maioría das editoras, facendo gala dunha prudencia empresarial, pechan os puños e cravan as unllas na súa propia carne. Levar unha empresa adiante non é fácil, e menos se á crise do libro en papel sumamos a crise económica xeral e a estas a maré negra que para a cultura galega supón un goberno ultranacionalista con referentes mesetarios. Mais as contradicións implícitas a unha solución que fala de independencia e dependencia institucional a un tempo, semellan irrisorias ante unha estratexia político-cultural luminosa como a explosión da bomba de Hirosima: haberá Feiras Internacionais, si, mais contribuirán a unha estraña rendibilidade; e probabelmente haberá traducións, claro, mais habemos de ver a que obscuro criterio obedecerán. Serán para traducir galegos ilustres como Valle-Inclán ao esquimó ou para introducir o Nóbel de Iria Flavia no mapuche? Polo de pronto a Consellaría vén de fusilar o proxecto da AELG dos roteiros literarios, iniciado hai tempo co ambicioso Territorio do escritor, anunciando o seu Vilas Literarias, para así conducir a cultura en dirección contraria.

Porque a decisión de non apoiar a cultura galega con proxectos como o Cultur.gal e destinar os cartos do país en acondicionalo aos tópicos que o turista común espera do espiritual noroeste español obedece a criterios que non enganan ninguén. Así as cousas, se podendo estar os axentes culturais ben unidos e organizados face a esta embestida de destrución cultural evidente, andamos con actitudes indefinibles ou condescendentes, logo se verá o desastroso resultado. Pola miña parte non penso agardar esmola de quen claramente pretende  roubarme o futuro.

Aproveito a ocasión para dar os parabéns aos compañeiros que organizaron a plataforma Prolingua, que este sábado conseguiu un éxito rotundo na súa presentación oficial á sociedade galega.

Share