Inspiração por Alfredo Ferreiro

~ SYNADELPHO ~ Laboratorio literario

Leave a comment

Presentación

Alfredo J. Ferreiro Salgueiro (A Coruña, 1969) leva máis de trinta anos vencellado á creación literaria. Bilingüe de nacemento, comezou a escribir arrolado polo barroco español e a poesía galega moderna. Estudou Filoloxía Hispánica e cursou o Terceiro Ciclo de Teoría da Literatura na Universidade da Coruña. Desde os anos 90 é un apaixonado da creación literaria e dos significados ocultos. En 2006 creou o seu blog persoal (O levantador de minas) e en 2014 a revista dixital de artes e letras Palavra Comum (codirigida co escritor Tiago Alves Costa). É un animal poético galaico, transfronteirizo, montesiño e marismático (cf. Obra literaria e crítica).

Obxectivo

SINADELFO ~ Laboratorio literario nace da vontade de partillar a súa investigación permanente sobre a escrita. O autor abre virtualmente o seu espazo de traballo ás persoas interesadas en praticar e ao mesmo tempo descubrir o fundamento cultural da literatura, é dicir, o seu potencial didáctico e terapéutico.

O inicio

Todo comeza no máis íntimo de nós mesmos, polo que o primeiro debe ser atopar a nosa motivación para escribir. A partir dunha pesquisa íntima, o traballo creativo desenvolverase até atopar o tema, o xénero e o estilo.

Decorado de “Nut” de Ángel de la Parra

Secuencialización

Proporanse un traballo escrito semanal (catro por mes), que será corrixido en comunicación individual (email ou equivalente). Eventualmente, poderá haber comunicación grupal, en directo ou en diferido.

Algúns tópicos

  • Alfa e omega. Sobre o mundo
  • Bestiario. Sobre os instintos
  • Consello dos Elfos. Sobre a tradición
  • Expiración narrativa. Sobre o discurso
  • Inspiración poética. Sobre a musa
  • Pases máxicos. Sobre a enerxía
  • Sexo e literatura. Sobre o amor
  • Templo de Delfos. Sobre o eu
  • Teoría das paixóns. Sobre os universais
  • Teoría dos obxectos mutantes. Sobre o estilo

Prezo

Nivel de iniciad@: 30€ / mes

Proxecto en curso: a partir de 40€ /mes. Neste caso, debido ás características do proxecto a secuencialización pode adaptarse.

Contacto

contacto@alfredoferreiro.com

*

En castellano:

Presentación

Alfredo J. Ferreiro Salgueiro (A Coruña, 1969) lleva más de treinta años vinculado a la creación literaria. Bilingüe de nacimiento, empezó a escribir poesía arrullado por el barroco español y la poesía moderna gallega. Estudió Filología Hispánica y cursó el Tercer Ciclo de Teoría da Literatura en la Universidade da Coruña. Desde los años 90 es un apasionado de la creación literaria y de los significados ocultos. En 2006 creó su blog personal (alfredoferreiro.com) y en 2014 una revista digital de artes y letras (palavracomum.com). Es un animal poético galaico, transfronterizo, marismático y montesino (cf. Obra literaria y crítica).

Rubén Fenice

Objetivo

SINADELFO ~ Laboratorio literario nace con la voluntad de compartir su investigación permanente sobre la escritura. El autor abre virtualmente su espacio de trabajo a las personas interesadas en practicar y al mismo tiempo descubrir el fundamento cultural de la literatura, es decir, su potencial didáctico y terapéutico.

O inicio

Todo empieza en lo más íntimo de nosotr@s mism@s, por lo que lo primero debe ser encontrar nuestra motivación para escribir. A partir de una búsqueda íntima, el trabajo creativo se desarrolla hasta encontrar el tema, el género y el estilo.

Secuencialización

Se propondrá un trabajo escrito semanal (cuatro por mes), que será corregido en comunicación individual (email o equivalente). Eventualmente, podrá haber comunicación grupal, en directo o en diferido.

Sexo y Literatura por D. H. Lawrence
Sexo y Literatura por D. H. Lawrence

Algunos tópicos

  • Alfa y omega. Sobre el mundo
  • Bestiario. Sobre los instintos
  • Consejo de los Elfos. Sobre la tradición
  • Expiración narrativa. Sobre el discurso
  • Inspiración poética. Sobre la musa
  • Pases mágicos. Sobre la energía
  • Sexo y literatura. Sobre el amor
  • Templo de Delfos. Sobre el yo
  • Teoría de las pasiones. Sobre los universales
  • Teoría de los objetos mutantes. Sobre el estilo

Precio

Nivel de iniciad@: 30€ / mes

Proyecto en curso: a partir de 40€ /mes. En este caso, debido a las características del proyecto la secuencialización puede adaptarse.

Contacto

contacto@alfredoferreiro.com

Share

O libro é un continente

Leave a comment

Dedicado aos membros dos Clubes de Lectura de Arteixo, Carral, Culleredo (de Literatura Galega) e Carballo (da Biblioteca Rego da Balsa), que tan bos momentos me fan pasar arredor do lume intelixente dos libros

O libro é, ante todo, un continente. Se cadra o máis grande continente do planeta, e non só porque desde que naceu non deixa de medrar para que todo poda caber nel, senón porque aínda resalta no libro por sobre todas as cousas o que non se pode ler, o que non foi explícito, o que se sobreentende: a vontade de partillar o coñecemento.

Eu non vou falar do explícito, pois para iso temos especialistas en Biblioteconomía. Só quero proporvos que nos centremos en que o libro foi creado co propósito de compartir. É desde logo un acto individual e creativo, mais non deixa de ser antes pura xenerosidade, a manifestación do desexo de entregar aos mais algo que recoñecemos útil para a vida, unha ferramenta coa que podermos vivir mellor.

O noso prezado amigo Xavier Alcalá sempre di que os autores teñen tanta vaidade como gordura ten o queixo. E nós entendemos ben o que quere dicir: é preciso ser un auténtico exhibicionista para pasar a vida escribindo sobre o vivido. Porque a escritora, mesmo a de máis fantasía, no fondo sempre escribe sobre o que a fai vibrar, o que a apaixona, o que poboa o seu corazón, e iso sempre ten que ver co que experimentou profundamente.

Implica esta declaración do noso autor unha desculpa perante o seu protagonismo como divo das letras no día en que, por exemplo, presenta un novo libro. A modestia obriga a aqueles espíritos sensatos cando os focos se dirixen exclusivamente á súa figura, e o verdadeiro creador, así como o verdadeiro científico, os dous auténticos amantes do coñecemento, saben que o realmente importante é o que se está a transmitir, e que compartir ese saber é o obxectivo primeiro e último.

Esta é a nosa mensaxe de hoxe: hai xente cuxo propósito na vida é a transmisión do coñecemento. E arredor do libro como feito hai moitas persoas que colaboran con ese propósito: as que investigan, as que crean, as que filosofan, as que corrixen os textos, as que editan, as que imprimen, as que divulgan, as que venden, as que catalogan e poñen a disposición do público, as que deseñan e as que executan políticas que fan posible, coa súa vontade e os recursos dispoñibles, unha biblioteca para que as usuarias, por motivos altruístas, persoais, emocionais ou terapéuticos, podan servirse dela. A todas estas persoas, celebrando o Día Internacional do Libro, é a quen debemos o noso agradecemento.

*

Notas: Lido no Día Internacional do Libro de 2019 con motivo da celebración do XXXº aniversario da Biblioteca de Arteixo. En portugués na Palavra Comum.

Share

Obradoiro de escritura “Rego da Serpe”, no Clube do Mar

Leave a comment
Clube do Mar de Santo Amaro 2019
Primeira reunión no Clube do Mar en 2019

Onte comecei co Obradoiro de escritura “Rego da Serpe” no Clube do Mar de San Amaro, grazas á confianza de Ángel Garmendia, presidente, á xestión de Rosa Destar, xestora cultural, e ao apoio de Dolores Guerrero. O ambiente non puido ser mellor, así que todo vaticinio ten que ser positivo ao máximo. A verdade é que cando nos propomos enfrontar o reto de escribir toda a positividade traballa desde o máis íntimo…

Obradoiro do clube do mar 2019
Share
Clube leitura literatura galega Culleredo

Novo Clube de Leitura no Concello de Culleredo

Leave a comment

Clube leitura literatura galega CulleredoO Concello de Culleredo decidiu apoiar a miña proposta de crear un Clube de Leitura sobre literatura galega que inclúa sempre a presenza da autora ou do autor. E non foi porque Culleredo non teña xa clubes de lectura doutra índole, senón porque o seu compromiso coa arte e a literatura do país no deixa de medrar.

No próximo luns 2 de abril, no ancestral inicio o ano e aínda co apoio da lúa chea tentaremos comezar unha actividade que tentará afinar as nosas sensibilidades, estimular o noso espírito crítico, favorecer a solidariedade e, en definitiva, aumentar as nosas conexións neurais promovendo o pensamento diverxente. Porque a análise da arte, lonxe de ser algo acientífico, implica unha actitude que engloba as áreas de coñecemento e aumenta a capacidade investigadora.

Finalizada cada lectura, faremos por ter a persoa que a escribiu para desfrutar dunha tertulia irrepetible sobre todas aquelas cuestións que a experiencia nos suscitou. Trátase de chegar a profundar o máximo posible utilizando, de partida, o menor aparato crítico posible. Porque para entender a boa literatura só é preciso asumir que foi escrita para nós, e que a simple experiencia da vida xa nos permite conectarnos á súa mensaxe e nos anima a dar a nosa opinión.

Como en todos os clubes de lectura que se precen, o importante é a participación colectiva nun debate en que a lectura é un pretexto para reflexionar sobre a vida e a arte. Poder contar, no final do proceso, coa autora ou o autor será un privilexio periódico e de incalculable valor que nos obrigará a un esforzo institucional e de coordinación importante. Algo creado para as máis amantes da lectura que co seu habitual espírito humanista terá, sen dúbida, un resultado feliz.

*

Cf. Artigo de Sara Vázquez en La Opinión: “Libros contados de primeira man”.

Share

24 de Febreiro: “Un mar que se postra e unha terra que se alza”

Leave a comment

No día de Rosalía de Castro, 24 de febreiro, terei a honra de participar no Concurso Poético organizado pola Biblioteca Central Henrique Rabuñal de Arteixo no que colaboramos os membros do Club de Lectura de Arteixo. Mais un ano, será unha honra para min colaborar coas actividades literarias da vila, tanto na homenaxe á tradición galega canto á promoción dos novos valores.

No caso segundo, tamén debo lembrar que, rematado o prazo para o envío de textos ao Certame de Narracións Breves Manuel Murguía, só nos falta pór día para comezar a abrir os sobres recibidos e mandar as copias ao xurado, formado pola gañadora do ano pasado, dous membros da Asociación de Escritoras e Escritores en Lingua Galega e da Asociación Galega da Crítica, respectivamente, así como por min propio, con voz mais sen voto.

Deixo tamén aquí o cartaz que o Tono Galán e mais eu elaboramos para a homenaxe a Rosalía en 2014:

Rosalia por Alfredo Ferreiro e Tono Galan

Share

Tertulia con Daniel Asorey no Clube de Leitura de Arteixo

1 Comment

Os encontros periódicos cos clubes de lectura son para min das experiencias máis gratas. Dedicar tempo de cualidade á reflexión sobre a arte da escrita con persoas amantes da lectura é algo fascinante. Debe ser que quen ama a literatura é necesariamente unha persoa solidaria, cordial e positiva, pois que outra cousa pode ser quen acepta o pacto literario implícito que se dá entre escritora e leitora? Un pacto que ten a ver coa necesidade de escribir xenerosamente para outros sobre o que é común a todos, co desexo de escoitar a alguén o que ten que dicir sobre o que a todas pertence, coa aceptación alegre da opinión allea así como da vontade implícita de avanzar na interpretación do mundo e portanto na mellora da vida. Diredes que a literatura non pode chegar tan lonxe como para mudar o substancial da vida, mais concordaredes ao menos en que sensibilizar os corazóns e facer reflexionar as mentes acostuma a ser o camiño para a mellora individual e social.

No martes pasado contamos na reunión periódica do Clube de Leitura de Arteixo coa presenza de Daniel Asorey, autor da última obra lida, Nordeste, publicada por Editorial Galaxia a teor do Premio Repsol de 2016. A obra gustou moito aos membros do clube, máis dunha ducia de atentas e sensibles lectoras que levan encontrándose para comentar obras máis de quince anos. Valorouse o coidado da lingua, na que algunha atopou a cumprida homenaxe a palabras galegas que coñecía desde hai moito mais que era consciente de ter deixado de usar; valoraron tamén a preeminencia da perspectiva feminina, así como a grande sensibilidade ao tratar asuntos humanos en situacións extremas; a imaxinación do autor para imaxinar un futuro de Galiza que foi por outros camiños dos coñecidos nunha distopía que desborda enxeño e atrevemento…

Celebramos con el a próxima publicación da edición brasileira no selo Mar Maior de Editorial Galaxia, dedicado á exportación da literatura galega no mercado internacional, e aplaudimos a boa recepción que está a ter a obra xa no ámbito académico do Brasil. Pola súa parte, el agradeceu a consideración que sempre lle dedica Arteixo, non sen lembrar que foi vencedor feliz do Certame Manuel Murguía na súa 11ª edición, evento sobre que garda como un tesouro na súa memoria de escritor.

Para non perder son as respostas que o autor me dedicou nunha entrevista realizada para o arquivo sonoro da Biblioteca Henrique Rabuñal de Arteixo, e que reproduzo abaixo.

*

Cf. : «O martes día 9 de xaneiro, produciuse un “Encontro con Escritor” do Club de Lectura da Biblioteca Central “Henrique Rabuñal”. Desta volta, foi Daniel Asorey quen asistiu á reunión semanal do club para falar do libro “Nordeste” coas participantes desta actividade que se desenrola todos os martes baixo a supervisión e apoio da Rede Municipal de Bibliotecas, dependente da Concellería de Cultura que encabeza Ana Bello […]». {Ler mais no blogue das Bibliotecas de Arteixo}

Share