Agustín Fernández Paz nominado para premio ALMA

Xornal de Galicia: «Os escritores galegos Agustín Fernández Paz e Juan Farias están entre os 175 nominados aos Astrid Lindgren Memorial (Alma), dotados con 500.000 euros, os premios de maior contía económica da literatura infantil e xuvenil. Organizados polo goberno sueco no ano 2002 en memoria de Astrid Lindgren, a escritora máis popular do país nórdico, os Alma pretenden ser un recoñecemento a toda a creación literaria e non a unha obra en particular.

Porén, non é imprescindible ter escrita unha soa palavra para aspirar aos premios, pois tamén os que se dedican á ilustración e ás actividades narrativas poden ser premiados. Unha vez seleccionados os candidatos, un xurado composto por doce membros –entre os que hai escritores, críticos literarios, ilustradores e bibliotecarios– decide quen son os gañadores, despois dun proceso de varios meses.

“A miña candidatura propúxoa a Organización Española do Libro Infantil e Xuvenil; xuntos elaboramos un dossier dos meus traballos, que se enviaron a Suecia hai xa varios meses e, a verdade, esta nominación é unha sorpresa”, sinala Agustín Fernández Paz. E ao respecto da nominación, o escritor galego apunta: “da miña selección polo xurado decateime polo Twitter de Marcos Calveiro, non tiven ningún tipo de comunicación oficial, nin creo que a teña” […]».

Share

Premios Xerais 2010: Teresa González Costa ou a sabia inocencia

Impresionoume de Teresa a súa visión dunha sabedoría que nace da visión sen lastros da infancia; a vinganza, o arrebato e a acción intempestiva, así como a reflexión sobre o que é xusto, talvez menos sincera coa albarda da maturidade.

[kml_flashembed movie="http://www.youtube.com/v/UQVkzqIsY3U" width="425" height="350" wmode="transparent" /]

A bicicleta como protagonista dun bestiario infantil, e con mestura de literatura do absurdo? Algo así pode ser realmente suculento.

[kml_flashembed movie="http://www.youtube.com/v/NEC1ACfXs1I" width="425" height="350" wmode="transparent" /]

Share

Parabéns para Agustín Fernández Paz!

Vimos de celebrar a noticia que o amigo Martin Pawley nos comunica, e que xa consta en nota de prensa do Ministerio de Cultura: “Agustín Fernández Paz, Premio Nacional de Literatura Infantil y Juvenil – La obra galardonada es O único que queda é o amor.

Referenciamos aquí os posts dedicados a este autor e á obra galardoada n’ O levantador de minas:Agustín Fernández Paz: entrevista e avance editorial; I Xornadas Virtuais de Literatura da AELG; O único que queda é o amor, de Agustín Fernández Paz; Presentación d’ O único que queda é o amor, de Agustín Fernández Paz.

E lembramos o vaticinio que a visionaria Tati Mancebo formulou sobre este libro: “Augurámoslle un grandísimo éxito a este libro, tanto de crítica como de vendas, o que significa, que haberá moitas, moitas persoas que gostarán das historias, que se sentirán identificadas, que compartirán sentimentos sen se coñeceren porque ao final, “na vida o único que queda é o amor”.

Os vídeos que realizamos na altura para este blogue foron os seguintes:

Lectura polo autor de Amor de agosto, do libro O único que queda é o amor:

Entrevista realizada por Tati Mancebo:

Entrevista realizada por Óscar Sánchez, con presentación por Laura González Garcés (directora da Biblioteca Nodal d’ A Coruña Miguel González Garcés) e Manuel Bragado (director de Edicións Xerais):

Recomendamos tamén a visualización dos vídeo-relatorios ofrecidos nas I Xornadas Virtuais de Literatura, organizadas pola AELG: Agustín Fernández Paz fala sobre os xérmolos das súas novelas; Ramón Nicolás fala sobre a obra de Agustín Fernández Paz.

Share