Que gañamos desasistindo o talento?

Defensa das axudas de talento – Acto de primavera: «[…]As axudas de talento teñen un orzamento reducido, este ano de 300.000 euros, unha cantidade equivalente ao que recibe unha soa longametraxe de produción convencional. Con máis de 250 traballos presentados na última convocatoria, apenas unha novena parte deles recibiron axuda do AGADIC, un ratio moito máis baixo que o de calquera outra categoría.

Sabedores das dificultades económicas actuais os abaixo asinantes pedísmoslle á administración galega un esforzo para que se practique a menor redución posíbel na súa contía e que en ningún caso se produza a súa supresión, coa certeza de que a erradicación destas axudas suporía un dramático paso atrás nos logros alcanzados polo audiovisual de noso nos últimos anos.»

Web para asinar o Manifesto.

Share

Os Premios da Cultura Galega sen dotación económica

Galicia Hoxe: «Nin nacionais nin con dotación económica. Cultura publicou onte no Diario Oficial de Galicia a orde de “creación” dos Premios da Cultura Galega –bautizados polo bipartito en 2008 como Premios Nacionais da Cultura Galega–, desta volta, con menos categorías –sete fronte ás dez do anterior goberno– e sen dotación económica –fronte aos 15.000 euros que recibía cada galardoado coa Xunta bipartita–. […] O conselleiro de Cultura, Roberto Varela, non cumpre así co seu compromiso de manter a dotación económica dos premios, segundo asegurou nunha comparecencia no Parlamento en marzo deste ano.»

Share