Interliteral 09: Dolores Romero, A literatura na era dixital

«Como afecta o paradigma dixital á literatura en xeral?

A administración está a traballar adecuadamente dixitalizando contidos a unha boa marcha, a través da Biblioteca Virtual Cervantes e a Biblioteca Digital Siglo XXI. Tamén facilitando o acceso aos contidos e ás bibliotecas a través do proxecto EX LIBRIS, con acceso ás bibliotecas do mundo (aínda que en moitos casos non poidamos consultar os llibros.

D. Romero, membro de CEDRO, lamenta o perigo que corren os textos ante a perda de dereitos de autor e que convive co esforzo enorme que está a facer CEDRO para chegar a acordos sobre dereitos.

Na Complutense non reciben beneficios de ningún tipo polo esforzo do profesorado para pasar as leccións a formatos dixitais mais fano porque saben que é a súa responsabilidade.

Non esixe aos seus estudantes a adquisición dun lector de libros electrónicos aínda que lle acaba de explicar o comercial de Ylliad, que está na entrada da Biblioteca onde se celebran estas xornadas, que serán o futuro da lectura. […]» (Ler máis en Tati Mancebo)

Share

Interliteral 09: Albert Lladó, lanovela.es

«Albert Lladó, autor de lanovela.es, diserta sobre os conceptos de novela, literatura hipermedia, literatura dixital con Deleuze de fondo.

O cambio de soportes, a aparición de novas ferramentas textuais introducen a aparición dun novo paradigma, tan novo como o do texto escrito enfrontado á literatura oral indo cara a atrás na historia da literatura, ou na historia das historias. […]» (Ler máis en Tati Mancebo)

Share

Interliteral 09: Investigación e literatura hipermedia

Doménico Chiappe é un autor venezuelano de literatura multimedia e xornalista. Escribiu a novela multimedia Tierra de extracción entre 1996 e 2000. Historia de historias, tramas superpostas que xogan coa disposición do texto en combinación coa imaxe e a narración en audio acompañada de música e efectos sonoros. Inclúe un mapa onde os lugares son palabras clave que representan os capítulos da obra. Os capítulos non aparecen numerados porque non hai un antes e un despois únicos, senón diferentes itinerarios que o lector pode ir construíndo coa seu acto individual de lectura.

Tierra de extracción pode descargarse nun executábel desde a web do autor, o que asegura, nas súas propias palabras, a pervivencia da obra.

La huella de Cosmos (2007) é unha novela colectiva á que tamén se accede desde a web do autor.

As primeiras obras dixitais non se publicaban até que os autores consideraban que estaba acabada. Hoxe en día escríbese máis en tempo real, mostrando por exemplo capítulo a capítulo e sabendo que cada novo capítulo estará condicionado tamén polos lectores en algún sentido.

O concepto de dereitos de autor é relativamente recente e inxusto cos autores, que só perciben o 10% na literatura en papel e nos libros migrados ao soporte electrónico que venden Amazon e outras cadeas. É preciso un exercicio de imaxinación para deseñar a rendibilización das verdadeiras obras dixitais.

A obra dixital require un esforzo por actualizar as copias existentes para asegurar a súa pervivencia, para salvar as mudanzas de software e a adecuación aos novos soportes emerxentes.

Vivimos unha nova era de lectura. A interface de internet é textual e lese moito máis do que se contabiliza. A multitarefa multiplica o volume de lectura.

Ao principio a lectura era colectiva. Logo foi silenciosa. Agora a literatura é colectiva e silenciosa. […]» (Ler máis en Tati Mancebo)

Share

Interliteral 09: Visión 360º sobre a literatura dixital

Desde hoxe e até mañá Tati Mancebo e Maribel Úbeda asisten como enviadas de Blogaliza en Xaén ao II Encontro de literatura dixital Interliteral 2009. Seguiremos desde aquí a crónica que está a escribir Tati practicamente en tempo real:

«Comeza Interliteral 09. Somo unhas 40 persoas nunha salada Biblioteca Pública de Xaén. Só cinco ou seis estamos cos nosos portátiles nos xeonllos a teclear. A organización está a retransmitir o evento por streaming a través de Ustream e teñen unha canle de Twitter (#interliteral) que mostran nunha pantalla a través de Twittbee.

A relatora é Laura Borrás. (Pode consultarse o programa completo en interliteral.com)

Irei actualizando esta anotación segundo vaia avanzando o relatorio. Here we go!

“Debemos afrontar a literatura dixital independentemente dos ceos que se teñan destruído, en palabras de Lady Hatterly. E xa Adán dixo a Eva: Querida, vivimos unha época de mudanzas”

Apollinaire e outras tentativas de moitos séculos atrás perseguiron o dominio do espazo físico para transgredir os límites da representación.

No grupo de traballo de Laura Borrás están a facer unha antoloxía de literatura dixital. Paradoxalmente piden aos autores CDs ou DVDs cos contidos porque pretenden facer un DVD que se distribúa en bobliotecas e a través da rede poden mudar as URLs.

Exemplos de literatura dixital:

Amor de Clarice de Rui Torres pode verse aquí

Stephanie Strikland usa a cadencia das ondas do mar para marcar os ritmos de presentación de poemas, por exemplo.

Os textos de Annie Abrahams controlan o ritmo de lectura. O lector pode controlar a velocidade de lectura pero cando pasa unha velocidade aparecen imaxes da propia Annie lembrándote que debes desfrutar e non devorar os textos e introduce descansos obrigados e propostas de exercicios de desentumecimento que hai que seguir para poder continuar a lectura.

E o grande esquecido, o teatro? O teatro interactivo captura o espectador dentro da obra e dependendo do que escribas, a obra evoluciona de modo diferente. Exemplos disto son as technoweb performances, que incluso teñen versións programadas para días concretas e con asistencia de público remoto. Un dos exemplos pioneiros e o Teatro de la escribanía. […]» (Ler máis en Tati Mancebo)

Share